Resultado da adxudicación de prazas: persoas admitidas e lista de agarda en madruga
O prazo de reserva de prazas estará aberto desde o martes, 16 de xuño, ás 9:00 horas ata o martes, 29 de xuño, ás 23:59 horas.
Ofertamos 80 prazas para o servizo madruga.
No caso de superar o número máximo de prazas, teremos que aplicar o baremo explicado nas Normas Xerais da AFA, no que se establecen os seguintes criterios:
- Días de uso do servizo no ano anterior:
Entre 160 e 180 días: 10 ptos.; 140-160 días: 9 ptos.; 120-140 días: 8 ptos.; 100-120 días: 7 ptos.; 80-100 días: 6 ptos.; 60-80 días: 5 ptos.; 40-60 días: 4 ptos.; 20-40 días: 3 ptos.; 0-20 días: 1 pto. - Familia socia no curso 2025/2026: 1 punto.
- Irmán/á usuario do comedor/madruga no 2025/2026: 2 puntos.
A reserva é anual, e farase por días da semana, tendo prioridade as reservas de todos os días do curso sobre as de días fixos da semana, e estas sobre calquera outro tipo de solicitude. Ao longo do curso só estarán permitidos cambios puntuais, sempre que se avise antes do día 20 do mes anterior ao cambio, o que permitirá non ter que aboar o servizo. Se os cambios son comunicados despois desa data, os importes terán que ser aboados polas familias aínda que non utilicen o servizo. Estes cambios puntuais refírense a imprevistos que non supoñan un cambio substancial respecto do reservado. Poderase, previa consulta coa coordinadora, modificar a opción con almorzo ou sen almorzo.
O día 5 de xullo comunicarase a adxudicación de prazas e, de ser o caso, a lista de agarda. Se por algún motivo é necesario facer cambios na reserva do servizo madruga, deberá facerse antes do 3 de setembro para os días do mes de setembro, e en todo caso antes do 20 de setembro para a reserva do resto do ano. Pregamos que no caso de dar de baixa algún servizo se envíe un correo electrónico ao enderezo á maior brevidade posible a: coordinadoralamas@gmail.com
Os usuarios/as de 4º E.I. farán, ao igual que o resto de familias, a reserva para todo o ano, e cando coñezan cal será o horario do seu período de adaptación deberán poñerse en contacto coa coordinadora para anular os días que non precisen usar.
O prezo do servizo de madruga é de 1,9 euros sen almorzo e 2 euros con almorzo.
Os recibos deberán pagarse antes do día 10 de cada mes. Recordamos que non estar ao corrente dos pagos, pode implicar, previa comunicación á familia, a non prestación do servizo.
Por último, recordarvos que é preciso informar á coordinadora sobre calquera intolerancia alimentaria ou alerxia (haberá que presentar certificado médico).
