Desde hoxe, 1 de xullo, está aberto o prazo para solicitar as bolsas de comedor escolar, material escolar e actividades extraescolares do Concello de Santiago de Compostela para o curso 2026-2027.
A convocatoria foi publicada no Boletín Oficial da Provincia (BOP) o 30 de xuño de 2026.
Prazo de presentación de solicitudes: As solicitudes poderán presentarse ata o martes, 14 de xullo de 2026 (incluído).
Estas axudas están dirixidas ás familias con fillos e fillas matriculados en Educación Infantil (2º ciclo), Educación Primaria e Educación Especial en centros públicos ou concertados do municipio de Santiago de Compostela.
Axudas convocadas
Comedor escolar
- Ata 100 €/mes por recursos económicos.
- Ata 180 €/mes no caso de centros de Educación Especial.
- 45 €/mes para axudas por conciliación.
Material escolar
- Axuda única de ata 100 € por alumno/a.
Actividades extraescolares
- Ata 35 €/mes por menor.
Requisitos
Entre outros requisitos, a unidade familiar debe estar empadroada no Concello de Santiago de Compostela.
Recomendámosvos ler atentamente as bases da convocatoria, xa que este ano se incorporan novidades e modificacións respecto ao curso anterior que poden resultar de interese para moitas familias.
Na páxina web do Concello atoparedes toda a información relativa a esta convocatoria, así como as ligazóns para consultar as bases e acceder á tramitación da solicitude:
