Xa podedes consultar toda a información do campamento de nadal 2025.

O campamento ofrécese os días 22,23, 26, 29 e 30 de decembro e 2, 5 e 7 de xaneiro.

Tradicionalmente, os días 24 e 31 de decembro non se ofrece o servizo pero este curso estamos a valorar a posibilidade de ofrecer as actividades tamén nestas datas en horario de 9:00 a 15:00, co obxectivo de adaptarnos ás vosas necesidades de conciliación. Para poder organizalo adecuadamente, agradeceriamos coñecer a vosa necesidade do servizo estes dous días.

FORMULARIO DE INSCRIPCIÓN

 

Horarios e prezos

É preciso informar á coordinadora sobre calquera intolerancia alimentaria ou alerxia.

Servizos Madruga e Comedor

Os servizos de madruga e o xantar son opcionais, e ofreceranse no caso de chegar a un mínimo de 10 nenos ou nenas inscritos. No madruga, poderán anotarse con almorzo ou sen almorzo cubrindo o formulario.

O servizo de xantar será servido pola empresa Barrigola. Será preciso informar á coordinadora sobre calquera intolerancia alimentaria ou alerxia.

Preinscrición

Ofrécense un total de 70 prazas.

A reserva farase desde o 11 de novembro ata o 30 de novembro.

Informarase sobre a adxudicación de prazas o 9 de decembro. Terán preferencia as reservas con maior número de días solicitados.

Inscrición

Unha vez dado o aviso de adxudicación de praza, deberá facerse o ingreso antes do 15 de decembro. Daranse instrucións sobre como formalizar o pago cando se avise da adxudicación de praza.

Para realizar os servizos de madrugadores e comedor é necesario un mínimo de 10 nenos/as inscritos/as nos mesmos.

Segundo as Normas Xerais da AFA, para participar en calquera actividade organizada pola asociación, é necesario pagar unha cota de socio/a anual.

Desenvolvemento do servizo

O horario de chegada, no caso de non solicitar madrugadores, será de 9:00 a 10:00. Non se poderá acceder ao campamento despois das 10:00.

O horario de recollida será ás 14:00 (sen comida) ou ás 16:00 (se xantan no campamento).

Prégase que respectedes estes horarios, lembrando que no caso de incumprimentos reiterados na hora de chegada ou de recollida procederase a aplicar a normativa de recollida
especificada nas normas xerais da AFA.

Tanto para a entrada como para a saída, as familias deberán acceder ao recinto a través da cancela lateral que está ao lado do pavillón municipal que unicamente estará aberta de 7:30
a 10:00 e a partir das 13:50. Os nenos e nenas entrarán pola porta do salón de actos situada no patio cuberto.

As rutinas diarias serán as seguintes:

 

Actividades

Haberá distintas actividades: xogos, deportes variados, talleres creativos e manualidades. Á hora de realizar os obradoiros terase en conta que se adapten aos rapaces, empregando
sempre materiais que non sexan perigosos e que sexan axeitados para as necesidades de cada neno ou nena. Procurarase en cada actividade a integración e a participación activa de todos e todas as participantes, de xeito que as xornadas do Campamento de Nadal provoquen unha actitude de colaboración, cooperación e participación que fomente unha boa convivencia e un sentimento de compañeirismo.

FORMULARIO DE INSCRIPCIÓN

 

Para calquera aclaración non dubidedes en poñervos coa coordinadora coordinadoralamas@gmail.com
Teléfono 662382294

Abrir chat
AFA do CEIP Lamas de Abade
Hola
¿En qué podemos ayudarte?